Auzalarreko Hitzaldien Batzordea Guraso Elkarteko familia bolondresak osatzen dute. Batzordearen helburua eta lana prestakuntza interesgarria eskaintzea eta gure seme-alaben, familien eta irakasleen bizitza- eta hezkuntza-garapenean garrantzitsuak diren ezagutzak eta alderdiak lantzea da.
Ikasturtea amaitzean, familiek inkesta bat jasotzen dute, eskainitako proposamenak baloratzeko eta hurrengo ikasturterako ekarpen interesgarriak egin ahal izateko. Horrela, ikasturte hasieran, Batzordea eta Eskola biltzen gara eta ikasleen eta familien beharrizanak baloratzen ditugu, ikasturte bakoitzeko prestakuntzak norantz zuzendu behar diren zehazteko.
Orain arte landutako gaietako batzuk honako hauek izan dira: "Teknologien kudeaketa", "Sexualitatea", "Gatazken kudeaketa", "Autoestimuaren garapena", "Pandemia osteko tresna emozionalak". Gaiak eta prestakuntzak irekiak eta aldakorrak dira.
Hautatutako profesionalak adituak dira landu beharreko gaietan, eta Eskolarekin batera baloratzen dira. Hitzaldi edo prestakuntza bakoitza opari handi bat bezala ikusten dugu, eta gure seme-alabekin batera hazteko eta aurrera egiteko aukera izugarria.
Hitzaldi guztiak Guraso Elkarteko bazkideen kuotaren urteko aurrekontuaren zati batekin finantzatzen dira. Batzordean irekita gaude zuen interesekoak diren proposamen, kontsulta eta/edo iradokizun berriak jasotzeko. Harremanetarako gure posta elektronikoa: baietz.charlas@gmail.com